Tanha Sa

Tanha Sa

Apne khwaabon ka rukh kuch toh modiye,

Koi toh sira mere bhujte naseeb se jodiye..

Ki pighalti shama bhi kitni behtar hai,

Usko roshan hue chilman ki nazar muyassir hai..

Dhalta din nashtar yun chubhota hai,

Ki apne mehboob ke aagosh main jakr woh sota hai..

Par ab tadap kabeel-e- bardasht lagne lagi,

Ki inteha-e-intezaar ko bohot umar ho chali..

Fir bhi apka yun akele sona badastoor khalta hai,

Dil aaj bhi khaali bistar par bache sa machalta hai..

Main bhi wahin aap ke paas ba’araam so jata,

Koi toh kona qabr ka apne khaali rakha hota!