~ .. Ki … ~

Picture Credit: Sanjay Pandita

~ .. Ki … ~

*

Muqammal se bahane, zidd thi, tujh se door jaane ki,

Kyon badhti gayin becheniyan, tere hi paas aane ki ?

**

Qadam dar qadam, jo tujh se ‘gar yun raabta kiye,

Ek justuju rakhi, parwaz e takhayul'(flight of imagination) milaane ki ..

***

Mannat ke shajar pe, bandhe mutmaeen(satisfied) dhaage kayi,

Mustafeed(avail) na hone payi, koshish thi tujh ko paane ki ..

****

Na hui rangrezz, phir bhi rung daala lafz, tahammul(endurance),

Tarkeeb rahi, yak tarfa, tasveer e nisbat(relation) rungaane ki ..

*****

Tahreer(script/draft) khud ke khawaabon ki, ab tu khud hi likha kar,

Na mazeed(extra) taaqat rahi, lafz balafz tafseer(detail) sunaane ki ..

******

Meelon lamba safar taye kar, muhabbat ghar lauti hai,

Mehsoos hoti hai ab, zaroorat, uss par haq jataane ki ..

*******

Kuredti thi main mitti, har mausam ke guzar jaane pe,

Aarzoo e haqiqi rahi, qabr e alahaidgi, yun banaane ki ..

********

Ilzaam usse de, haq talfi kare jo bayaan e tanhai se,

Faqat khawaish meri, tishnagi ko maiy se sulaane ki ..

*********

Ahmaq(fool) hain woh, jinhain maiy-khwaar(drinker) yun khalte hain,  

Maiy-khanaah ki peshkash sirf, farmayish pe dubaane ki ..

**********

Taaree hai mujh par bhi, junoon e ishq, tujh sa hi ab,

Inaayat kar, apne haath se hi, aab e hayaat pilaane ki ..

***********

Rukh e habeeb(beloved) se raqeeb(enemy) ka sa qaraar, kis pahar ‘ainy’ ?

Kya kaatib(scribe) ki marzi hai, Shamal(north) aur Janoob(south) milaane ki ?

************