Sunday 25 May 2014

~ Kashmakash ~



~ Kashmakash ~

Pata hai,
Woh jo meri wali deewar par,
Ek lakdi ki khidki hai,
Muskurati hawa,
Khilkhilati barish,
Sharmati dhoop,
Uss ko paar kar,
Mujhe choone aate they ..
Ek halki bhoori chidaiya bhi aati thi,
Usko main haath se daana chugati thi ...
Woh nanhi chidaiya yakayak gayab ho gayi ek roz,
Ab na dhoop, barish, na hi hawa mujhse milte hain,
Jaane kyon naraaz hain …
Uss lakdi ki khidki ki,
Lohe ki salakhon main zang lag raha hai ab ..
Jo bhi us ko choota guzarta hai woh zeher ho jata hai,
Maine kayi baar chakhi hai,
Zubaan par tezi uski ..
Uska toota paina kaanch,
Halaq main chubh jata hai jab kabhi,
Saans bhi nai nigali jati fir …
Ab —
Deewar tod doon,
Ya, saanson se naata,
Badi ‘kashmakash’ main hoon …

5 comments:

  1. No words to express the brilliance....

    ReplyDelete
  2. goof morning....smiles.
    hope this finds you well.

    ReplyDelete
  3. This of so sad! One of your most Hindi verses. Saanson se naatha na thodna. Hamare weekly dose of Sadia ka kya hoga :)

    ReplyDelete